Maðurin sum er tikin fyri at hava dripið fyrrverandi japanska forsætisráðharra, Shinzo Abe í morgun, var úr býnum Nara, har Shinzo Abe helt røðu fyrr í dag.
Tað skrivar BBC
Tann mistonkti, sum varð handtikin av løgregluni stutt eftir skotálopið, verður av fleiri japanskum miðlum nevndur Tetsuya Yamagami.
Hann verður lýstur sum fyrrverandi limur í japonsku sjóverjuni. Hann skuldi eftir øllum at døma hava skotið Abe aftanífra við einum skotvápni.
Sambært miðlum hevur hann játta seg sekan og sagt, at hann var ónøgdur við fyrrverandi forsætisráðharran og vildi tí drepa hann.
Niðanfyri nakrar myndir frá hendingini: