Í løtuni eru tvey ísfiskalínuskip til fiskiskap undir Føroyum. Annað fiskar tosk og hýsu, og hitt fær mest av longu.
- Helst koma bæði skipini inn at landa síðst í næstu viku, siga tey á Fiskamarknaði Føroya í dag.
Av frystilínuskipunum eru fýra til fiskiskap í løtuni. Onkur er undir Føroyum, og onkur fiskar í íslendskum sjógvi.
- Streymurin harðnar, sum næsta vika gongur, og veðrið verður umskiftandi.
Tí rokna tey á Fiskamarknaði Føroya ikki við nøkrum serligum útróðri í næstu viku.