Fráfarandi forsætisráðfrúan í Finnlandi, Sanna Marin, fer eisini frá sum forkvinna í finska Javnaðarflokkinum.
Tað sigur hon á tíðindafundi í nú fyrrapartin sambært Reuters.
Hon heldur tó fram sum limur í finska tjóðartinginum, ríkisdegnum.
Sanna Marin sigur, at stjórn hennara fer formliga frá í morgin.
Og so sigur Sanna Marin, at hon ikki heldur tað vera sannlíkt, at hon verður nýggj ráðfrúa í eini nýggjari samgongustjórn.
Val var í Finnlandi sunnudagin. Um kvøldið var greitt, at Javnaðarflokkurin bara gjørdist triði størsti flokkur, og at Marin ikki kundi halda fram sum forsætisráðfrú.
Næsti forsætisráðharrin verður helst formaðurin í borgarliga Savningarflokkinum, Petteri Orpo.

##med2##
Í veruleikanum hevði Javnaðarflokkurin tvey prosent í framgongd á valinum. Men teir borgarligu flokkarnir fingu enn størri framgongd.
Í Finnlandi er siðvenja at hava breiðar samgongustjórnir, og roknað verður við, at soleiðis verður aftur nú.
Finski miðlar vænta tó, at samgongusamráðingarnar fara at vara í fleiri vikur.
Í stjórnini hjá Sonnu Marin vóru fimm flokkar.
/ritzau/