Tað verður sera spennandi at síggja, hvør fer avstað við føroyameistaraheitunum í ár, tí feløgini eru sera jøvn.
Í smágentualdursbólkinum er púra javnt millum liðini Ara og Norma, sum bæði eru úr Fimleikafelagnum Ljósið, og í hinum aldursbólkunum er munurin ikki størri enn 0,3 stig millum nummar 1 og 2.
12 lið úr fýra feløgum vóru við í kappingini. Tey eru úr Havnar Fimleikafelag, Fimleikafelagnum Ljósið, Fimleikafelagið Støkk og Klaksvíkar Fimleikafelag.
Kappast varð í fýra aldursbólkum, pinkum, smágentum, gentum og unglingum.
Í steypakappingunum fyrr í ár hevur eitt lið verið við í kvinnualdursbólkinum. Talan er um Team Hera, ið kappast fyri Føroya Fimleikasamband. Team Hera er eitt samansett lið við fimleikarum úr Havnar Fimleikafelag, Fimleikafelagnum Ljósið og Fimleikafelagnum Støkk.
Í løtuni er Team Hera í Bulgaria, har tær luttaka í World Cup 2. Her eru úrslitini frá FM undankappingini í dag:
Pinkur
Støkk Nava 14,67 HF Nora 14,37
Klaksvíkar Fimleikafelag Aura 12,42
Ljósið Auriga 11,4
Smágentur
Ljósið Ara 16,3
Ljósið Norma 16,3
Støkk Urða 14,85
HF Nita 14,75
Gentur
HF Mira 16,78
Støkk Svalan 16,65
Unglingar
HF Bjalla 15,82
Støkk Rósan 15,75
Føroyameistarakappingin í estetiskum fimleiki er tvídeild. FM finalan verður í morgin 8. mai kl 14.
Kringvarpið stroymir kappingina.
