Fýra partrolarapør eru til fiskiskap í løtuni. Skipini eru nýliga farin. Tí verður ikki roknað við, at tey koma inn aftur at landa fyrr enn síðst í næstu viku - ella fyrst í aðru viku.

Á Fiskamarknaði Føroya siga tey, at fiskiskapurin hjá partrolarunum, sum fiska upsa, broytist einki, og sum heild er lítil fiskur at fáa við troli.

Allir teir smáu trolbátarnir liggja, tí líkindi hava verið vánalig. Av djúpvatnstrolarunum, sum plaga at vera til fiskiskap, er bara annar úti í løtuni. Teir eru eystanfyri.

- Eitt garnaskip er norðan fyri og fiskar svartkalva, og eitt er sunnan fyri og fiskar havtasku. Bæði skipini hava brúkiligan fiskiskap og koma helst inn at landa í morgin, verður lagt aftrat.