Heimskendi sangarin Tony Bennett er deyður, vita útlendskir miðlar at siga.
Tony Bennet fekk í 2016 staðfest sjúkuna Alzheimers, men hetta varð ikki kunngjørt alment fyrr enn í 2021.
Í 2021 gavst Bennett sum 95 ára gamal við at ferðast við tónleiki sínum, men hann hevði ikki ætlanir um at steðga yrkisleiðini. Hann helt á við ætlanunum um at gera enn eina útgávu saman við Lady Gaga, eftir at tey í 2014 innspældu Cheek to Cheek.
Bennet varð føddur í New York í 1926, og tónleikaliga yrkisleiðin fekk av álvara undanvind í 1945. Áðrenn hetta var Bennet í hernaðartænastu undir 2. heimsbardaga.
Seinni skrivaði hann undir sáttmála við Columbia Records og fyrsta stórhittið Because of You kom í 1951. Hann hevur vunnið 20 Grammy heiðurslønir og selt yvir 50 milliónir plátur kring heimin.
Frank Sinatra kallaði Tony Bennett heimsins størsta popsangara.
Bennett hevur fleiri ferðir vitjað í Danmark, seinast í Tivoli saman við Lady Gaga í 2015.
Tony Bennett hevði fylt 97 ár í næsta mánað, tann 3. august.
