Tveir smáir trolbátar fiska havtasku

Havrannsóknarskipið Jákup Sverri er á Føroyabanka. Teir koma inn at landa mikudagin.

 

Flestu partrolarapør eru til fiskiskap í løtuni, og væntandi er, at onkur pør koma inn at landa í næstu viku.

 

- Øll skipini fiska upsa, og tey fáa eisini eitt sløð av hvítum fiski, serliga toski, longu, hvítingi og hýsu.

 

Á Fiskamarknaði Føroya siga tey, at fiskiskapurin hjá partrolarunum kundi verið betri.

 

Ein djúpvatnstrolari er á svartkalvaveiði, og teir koma inn at landa fyrst í næstu viku. Ein frystitrolari fiskar eisini svartkalva.

 

Lagt verður aftrat, at havrannsóknarskipið Jákup Sverri er á Føroyabanka. Teir koma inn at landa mikudagin.

 

Í løtuni eru bara tveir av teimum smáu trolbátunum til fiskiskap. Báðir fiska havtasku og koma inn at landa í næstu viku.

 

Tvey garnaskip fiska svartkalva, og tvey fiska havtasku, og skipini hava brúkiligan fiskiskap.

 

- Øll garnaskipini koma inn at landa í næstu viku, vita tey á Fiskamarknaði Føroya at siga.