Meinhard E. Olsen spældi allan dystin tá hann og liðfelagarnir í Mjøndalen vunnu 2-1 á Skeid á útivølli í dysti í næstbestu norsku fótbóltsdeildini.
Mjøndalen er nú einsamalt oddalið við 16 stigum av 18 møguligum stigum í seks teimum fyrstu dystunum. Liðið hjá Gullbrandi Øregaard, Sandnes ULF er næstfremst við 12 stigum fyri fýra dystir. Liðið hjá Rógva Baldvinsson, Bryne liggur aftast við ongum stigi.
Í morgin klokkan 17 spælir Sandnes ULF á heimavølli móti Frederiksstad. Bryne spælir á útivølli móti Raufoss.
Dysturin í Oslo fekk eina lívliga byrjan. Tá tríggir minuttir vóru farnir legði Benjamin Stokke Mjøndalen á odda 1-0 við einum brotssparki. Bert tríggjar minuttir seinni javnaði heimaliðið til 1-1.
Tá tveir minuttir vóru farnir av seinna hálvleiki stútaði Benjamin Stokke bóltin í netið til 2-1 til Mjøndalen sum gjørdist endaliga úrslitið.
Komandi sunnudag spælir Mjøndalen á heimavølli móti Oslo KFUM.
HER ber til at síggja hæddarpunktini frá dystinum Skeid-Mjøndalen 1-2 (1-1) :
##med2##