Eysturkommuna bjóðar nú út eitt grundøki í Leirvík, sum er 1,535 fermetrar stórt, til íbúðarbygging.
- Tað er upp til tey bjóðandi at koma við uppskoti um, hvussu byggingin verður skipað, og hvat slag av íbúðum verða bygdar.
Í kommununi siga tey, at talan kann verða um eigaraíbúðir, leiguíbúðir ella lutaíbúðir.
- Vit seta sum treyt, at tað verða millum 8-10 íbúðir í verkætlanini. Byggingin skal verða fjølbroytt við ymiskum íbúðarstøddum, har atlit verður tikið til umhvørvið og útsýnið.
Dentur verður lagdur á, at byggingin tekur seg væl út, er í høgari góðsku og fellur væl inn í landslagið.
- Øll, sum vísa útboðnum áhuga, kunnu við at skráseta seg hjá SÓKN Advokatum fáa skrivliga kunning um settar fyrispurningar og svar.
Lagt verður aftrat, at freistin at lata inn skrivlig boð er á middegi mánadagin, hin 4. januar 2027.
