Í hesum døgum eru kvinnurnar hjá VÍF staddar í Kosovo fyri at spæla tveir dystir í øðrum umfarinum í European Cup.
Í kvøld spældi VÍF fyrra dystin móti Ferizaj, og sigast má, at tað gekk framúr væl hjá VÍF.
Vestmannakvinnur vunnu stórsigur 34-23. Í steðginum var støðan 18-12 til VÍF.
Ingibjørg Olsen (myndin) var við 10 málum toppskjútti hjá VÍF.
Seinni dysturin verður leiktur sunnudagin klokkan 16. Tað skal ganga ótrúliga illa, um VÍF ikki fylgir Neistanum og H71 til triðja umfarið í kappingini.
KHF Ferizaj-VÍF 23-34 (12-18) - European Cup fyrri dysturin.
Málskjúttar: Ingibjørg Olsen 10/13, Lív S. Poulsen 8/12, Simone T. Kristiansen 6/7, Halla Haldansen 3/4, Bára í Innistovu 3/4, Sára Lagos 3/5, Durita C. Jojic 1/2.
Bjargingar: Vivian Petersen 7/24, Frederikke de Sparra Rasmussen 5/11.
