Liðini hjá Jóhan á Plógv Hansen og Hákuni West av Teigum, Skanderborg-Aarhus og Füchse Berlin vóru hóskvøldið í leiki í EHF European League.

Í bólki E vann Skanderborg-Aarhus í Ceres Park & Arena 36-32 á franska liðnum, Montepellier. Í steðginum var Skanderborg-Aarhus á odda 15-13.

Jóhan skoraði sjey mál upp á 10 málroyndir og var toppskjútti hjá heimaliðnum.

Barcelona er fremst í bólkinum við seks stigum. Skanderborg-Aarhus hevur trý stig, Montpellier hevur tvey stig og Dinamo Bukerest hevur eitt stig.

Í Max Schmelling høllini var Leo Prantner á høgra veingi, tá liðið hjá Hákuni, Füchse Berlin á heimavølli í dysti í bólki A vann 40-32 (20-17) á Porto.

Veszprem er fremst í bólkinum við seks stigum, og Füchse Berlin hevur fýra stig. Porto hevur tvey stig og Partizan Beograd hevur einki stig.