Tá Óli Mittún spældi við Sävehof, árini 2022-2025 hevði hann saman við táverandi liðfeløgunum nógvar harðar dystir við Kristianstad.
Í kvøld var Óli aftur í Kristianstad saman við núverandi liði sínum, GOG fyri at spæla dyst í innleiðandi bólki D í Champions League.
Væl gekk hjá GOG, ið við 37-32 sigri vann annan dystin á rað í Champions League. Í steðginum var GOG á odda 17-14.
Óli skoraði trý mál upp á fimm málroyndir, og hann legði eisini upp til trý mál.
GOG og Sporting Lissabon hava fýra stig hvør. Szeged hevur tvey stig, meðan Kristianstad enn hevur fyrsta stigið til góðar.
