Í kvøld fekk Jana Mittún høvið at spæla dyst fyri Viborg móti liðnum, ið hon fer at spæla við komandi kappingarár, Nykøbing-Falster.
Dysturin í BIO Circ Arena í Viborg endaði við javnleiki 30-30. Í steðginum var Viborg á odda 15-14.
Jana skoraði fýra mál upp á átta málroyndir, og hon legði upp til seks mál.
Viborg og Nykøbing-Falster hava bæði sjey stig fyri seks dystir. Esbjerg er fremst við 12 stigum.
Í annaðkvøld klokkan 18 spæla Rakul Wardum og liðfelagarnir í Skanderborg dyst á útivølli móti Sønderjyske.
