Í dag hava fleiri spreingingar verið at hoyrt í høvuðsstaðnum í Saudi Arabia, Riyadh.
Myndugleikarnir í Saudi Arabia hava sagt, at fleiri rakettir, sum vóru á veg móti býnum, eru beindar av vegnum.
Vitnir, sum Reuters hevur skift orð við, siga, at í minsta lagi tríggjar spreingingar vóru at hoyra, og tíðindafólk hjá AFP siga eisini frá spreingingum.
Sagt verður, at spreingingarnar vóru at hoyra stutt eftir, at myndugleikarnir í Saudi Arabia høvdu boðað frá, at fíggindaligar hóttanir vóru á veg móti Riyad
Uppreistrarbólkurin, houthi'ararnir í Jemen, hava í kvøld boðað frá, at teir stóðu aftanfyri álopini á høvuðsstaðin í Saudi Arabia.
Hetta er tó ikki váttað av almennum keldum.
Altjóða floghavnin í Riyad, King Khalid, hevur verið stongd í fleiri dagar eftir fleiri loftálop seinastu dagarnar.
Sambært NTB-tíðindastovuni eru í minsta lagi 18 fólk dripin, og fleiri hundrað eru særd í álopunum á altjóða floghavnina í Saudi Arabia.
