Tað stóð einki til hjá Hákuni West av Teigum og liðfeløgunum í Füchse Berlin í steðginum í dystinum á útivølli móti Eisenach í týsku bundesliguni, har heimaliðið var á odda 16-10.
Men við einum framúr góðum seinna hálvleiki eydnaðist tað Füchse Berlin at vinna seinna hálvleik 22-13, og harvið dystin 32-29. Hákun skoraði eitt mál upp á tvær málroyndir.
Füchse Berlin er nummar fimm í deildini við 14 stigum. Liðið hjá Eliasi Ellefsen á Skipagøtu, THW Kiel er fremst við 21 stigum.
Mikukvøldið klokkan 19 verður Hákun at síggja í høllini við Tjarnir, tá Føroyar spæla EM-undankappingardyst mót Kosovo.
