ÍF boðar í kvøld frá, at Sámal Zachariassen og Tóri Nolsøe Olsen er komnir aftur til felagið. Teir hava verið uttanlands í útbúgvingarørindum, men eru nú tøkir aftur.
- Vit kunnu í dag bera tey góðu tíðindi, at Sámal Zachariassen og Tóri Nolsøe Olsen hava undirskrivað sáttmála við okkum. Teir hava seinasta hálva árið verið í Danmark í skúla, og komu so seint sum í gjárkvøldið aftur til Føroyar. Vit fegnast um henda góða lokala styrkin, og gleða okkum at síggja teir í ÍF blusuni aftur, skrivar ÍF á Facebook.
ÍF hevur fingið eina fína byrjan upp á kappingarárið, eftir niðurflytingina í fjør. Fleiri spælarar valdu at royna aðrar leiðir, og tí var ivasamt hvussu kappingarført liðið fór at verða í ár. Tað er blivið til 29 stig í 12 dystinum. Tað er eitt færri enn TB, sum liggur fremsta plássi.
