Klokkan 20.25 í gjárkvøldið fekk løgreglan fráboðan um ein útlending, sum hevði gingið seg fastan í haganum oman fyri Tjørnuvík.

Boð vórðu send eftir átaksleiðaranum, sum fór á staðið við fólki og hjálpti viðkomandi oman aftur.

Tá var vorðið myrkt, og nakað av vindi var eisini. Men bjargingin gekk væl, og persónurin kom oman aftur í øllum góðum.

Noktaði at siga, hvør hann var

Klokkan 03.55 í nátt fekk løgreglan fráboðan um ein mann, sum var ólátaður og drukkin í Havn.

Løgreglan fór á staðið, men maðurin vildi ikki upplýsa, hvør hann var.

Hann varð tikin við á politistøðina, har hann hevur verið í nátt. Maðurin, sum er útlendingur, fær 1.000 krónur í bót fyri ikki at vilja upplýsa samleika sín. Harumframt fær hann bót fyri brot á skilhaldsreglurnar.