Í gjár skrivaði Grønlands Politi á sínum Facebook-vanga, at leitað verður eftir tveimum ungum fólkum í grønlendska høvuðsstaðnum, Nuuk.
Sambært løgregluni eru fólkini, Thomas Jansen og Beathe Tobiassen.
Løgreglan heitir á fólk, sum kanska vita um fólkini at siga, um at venda sær Grønlands Politi.
Heitt verður eisini á fólk - í og kring um Nuuk - um at halda eyguni við teimum báðum.
Í morgun upplýsir vaktleiðarin hjá Grønlands Politi, Karsten Højrup Kristensen, yvirfyri Sermitsiaq, at Thomas Jansen og Beathe Tobiassen framvegis eru eftirlýst.
Eitt vitni, sum hevur vent sær til løgregluna, sigur, at viðkomandi heldur seg hava sæð tey bæði í einum bussi í Nuuk hósdagin um 15.50-tíðina.
- Vit ikki, hvat er hent, og vit hava ikki funnið tey ungu. Vit heita tí á fólk, sum kunnu vita okkurt at siga, um at venda sær til okkara, sigur vaktleiðarin, Karsten Højrup Kristensen.
