Guvernørurin í Kalifornia, Gavin Newsom, sigur í tíðindaskrivi, at hann hevur tikið avgerð um at ógylda 548 deyðadómar og ístaðin broyta dómarnar til lívlangt fongsul.

Hetta veit The New York Times at siga.

Gavin Newsom hevur leingi verið ímóti deyðarevsing.

- Eg havi gjørt av at brúka mín grundlógartryggjaða rætt til at broyta allar deyðadómar í Kalifornia til lívlangt fongsul - uttan møguleika fyri royndarleyslating.

Tað skrivar hann í opnum brævi, og hesa avgerð hevur hann tikið fáar mánaðir, áðrenn hann fer frá sum guvernørur.

Teir 548 deyðadómarnir í Kalifornia telja ein fjórðing av øllum deyðadómum í USA.

- Ríkisgóðkend dráp kunnu ikki sameinast við virðini hjá Kalifornia. Tey undirgrava okkara rættarskipan og skaða okkum øll, skrivar guvernørurin í opna brævinum.

Gavin Newsom undirbyggir sína avgerð við at siga, at deyðarevsing er moralskt "forkastilig", sum hann málber seg.

- Hesir brotsmenn skulu doyggja í fongsli, men ikki fyri okkara hond, sigur hann.