Beint áðrenn klokkan 12 tók løgreglan tveir bilførarar fyri at koyra ov skjótt á tunnilsvegnum á Oyrareingjum í Kollafirði.
Annar varð máldur at koyra 99 kilometrar um tíman og hin 98 kilometrar um tíman. Mest loyvda ferð á staðnum er 80 kilometrar um tíman, og báðir bilførararnir fáa bót.
Umleið klokkan 15.30 varð løgreglan send oman í Steinatún, har ein persónur lá og svav. Viðkomandi varð vaktur og koyrdur heim.
Umleið klokkan 19.30 vóru aftur boð eftir løgregluni, hesa ferð við Eysturvøll. Á staðnum staðfesti løgreglan, at talan var um ein ávirkaðan persón, sum ikki megnaði at ganga heim.
