Á skránni vóru talur, sangir og tónleikaframførslur. Eisini vóru gestir komnir frá útlandinum at hátíðarhalda dagin. Eisini familja, vinir og fyrrverandi starvsfólk vitjaðu.
Fyritøkan var upprunaliga stovnað í Vestmanna sum Super Dekk Service í 1974, og flutti nakað eftir tað til Havnar. Tað var Sámal Bláhamar, sum setti fyritøkuna á stovn. Síðan 1979 hevur fyritøkan hildið til Hoyvíksvegin.
Síðan 1992 hevur Fríðrikur Bláhamar verið stjóri í fyritøkuni. Í 1995 varð fyritøkan gjørd til partafelag, og í 2007 gjørdist hon partur av altjóða ketuni First Stop, sum er ein av størstu handilsketum við felgum og dekkum í Danmark og Evropa við meira enn 2000 dekksentrum. FirstStop er vorðin ein størri og størri partur av samleikanum hjá Sp/f Super Dekk.
