Nú trý umfør eru eftir at leika í bestu svensku fótbóltsdeildini, Damallsvenskan eru Ásla Johannesen og liðfelagarnir í Piteå níggju stig frammanfyri næstaftasta liðið, Växjö, og fýra stig frammanfyri triðaftasta liðið, IFK Norrköping.

Piteå vann seg upp á 27 stig við 2-0 útisigri á Vittsjö. Ásla var á vøllinum allan dystin.

Julia Olsson fekk Piteå á sigurskós longu í øðrum minuttinum av dystinum. Miðskeiðis í fyrra hálvleiki økti Sharon Esinam Sampson til 2-0.

Piteå hevur 27 stig á níggjunda plássinum. Nú ræður um hjá Piteå at halda, ið hvussu er annað av IFK Norrköping og Rosengård aftanfyri seg, so Piteå kann sleppa undan at spæla upp- og niðurflytingardystir móti triðbesta liðnum í næstbestu deildini.

Komandi leygardag klokkan 12 hevur Piteå í triðseinasta umfarinum dyst á heimavølli móti Eskilstuna.