Hendan vikan verður merkt av, at hoyvíkingar frøast um kirkju sína.
Týskvøldið 27. oktober kl. 19 verður konsert við kórinum Xperiment. Xperiment er rútmiskt kór, ið m.a. tulkar føroyskar vísur og kvæði. Frumframførsla verður eisini á skránni.
Mikukvøldið 28. oktober kl. 17.30 verður Skrúvuguðstænasta. Bergtórur sigur frá eini søgu, og síðani verður boðið til lasanju.
Mikukvøldið 28. oktober kl. 19.30 verður Miðvika við heitinum "Camino Primitivo". Malan Johansen og Teitur Heindriksson greiða frá gongutúri í Norðurspaniu. Sum tey sjálv siga: - Hetta er okkara máti at hátíðarhalda, at vit bæði verða 60 í ár.
Sunnumorgunin 1. november, allahalgannasunnudag, bjóðar kirkjuráðið øllum til morgunmat í Kirkjukjallaranum kl. 10. Farið verður til guðstænastu kl. 11, har prestarnir báðir Bergtórur og Theodor skipa guðstænastuna. Kórið Brak syngur. Brak er mannað við fólki í ymsum aldri og framførir m.a. sangir í gospelstíli.
