info
Ongi úrslit

Hví er toskurin fongdur við lús?

Ymiskar meiningar eru um hetta, men fleiri halda, at ein orsøk er, at nógvur fiskur er til. Fiskurin stendur tættur, og lættari er hjá lúsini at flyta seg av einum fiski á annan

Vilmund Jacobsen
8. august 2026 kl. 18:56

Ein maður, sum regluliga fiskar við ferðafólki, spyr á sínum Facebook-vanga, um aðrir, sum fiska tosk, hava lagt til merkis, at toskurin er fongdur við lús.

- Havi lagt til merkis, at toskurin í summar hevur havt sera nógva lús. Eg fiski umleið 100 dagar hvørt summar við ferðafólki, og eg havi ongantíð áður sæð so nógva lús á toski.

Maðurin spyr tískil, um tað eru aðrir, sum hava lagt hetta til merkis í summar.
Tað eru fleiri, sum viðmerkja á tráðnum hjá manninum, sum fiskar við ferðafólki, og tað eru eftir øllum at døma fleiri, sum vita um lús á toski at siga í summar.
Ein viðmerkjari skrivar soleiðis:

- Ja, óvanliga nógv lús. Fiskurin stendur tættur, og lúsin hevur lætt við at flyta seg frá fiski til fisk og formera seg. Laksalús og toskalús er hvørt sítt, leggur viðmerkjarin aftrat.

Ein lesari skrivar, at eisini á Føroyabanka var eitt sindur av lús at síggja, og fiskurin hevði onkur smá sár. Er ov nógv til, og fiskurin stendur tættur, fær hann ofta lús og aðrar sjúkur.

- Haldi, at trupulleikin er størstur, tá toskurin er slánutur, sum eg haldi, at hann er nú. Toskurin sær gott út, tá hann kemur úr sjónum, men klænkar nógv eftir nøkrum tímum, skrivar ein annar.

Ein lesari sigur, at hann bara hevur sæð lús á fiskinum, sum hann hevur fingið innarliga á sjónum.

- Tá lús var at síggja á fiskinum, var tað gott tekin, søgdu teir gomlu, tí tá var nógv til. Soleiðis var eisini í 2019 og 2020. Tá var so nógvur toskur til, at hann svam á land.

Ein vísir á, at sjógvurin er vorðin heitari, og lúsin verður skjótari kynsbúgvin í heitum sjógvi. Tí er ikki óhugsandi, at tað verða uppaftur fleiri lýs í framtíðini.

Men, her er ein annar viðmerkjari ikki samdur:

- Toskalús á hvørjum fiski sær stendst av, hvussu tætt fiskurin stendur - og ikki av hitanum í sjónum. Syðri, har sjógvurin er nógv heitar, hevur toskurin ongar trupulleikar av lús.

Viðkomandi vísir eisini á, at sjógvurin er kaldari í ár enn í fjør.

- Einasta broyting er, at fiskurin stendur tættari, og lættari er hjá toskalúsini at flyta seg millum fiskin. Toskalúsin minkar aftur, tá toskastovnurin minkar, leggur lesarin aftrat.

 

Mest lisið hesa vikuna

Landsstýrið black­list­ar 16 bygdi­r og bý­ir í Føroyum

18. november kl. 10:11

Svøríki: Byrjaði at eta seg sjálvan

18. november kl. 14:27

Eldur í á skipasmiðjuni á Skála

18. november kl. 18:14

Fyrrverandi NSÍ venjari er deyður

14. november kl. 17:37

Nøkur orð um skyldmannin Allan Enghamar

15. november kl. 17:35

Roykur rekur móti bygdini á Skála

18. november kl. 19:26

Fleiri tíðindi

Fótbóltur

Oyggjaleikir: Lutakastið til fótbóltskappingarnar er avgreitt

40 minuttir síðan
Hondbóltur

TTH Holstebro vann triðja sigurin á rað

1 tími síðan
Hondbóltur

Rúnar Hammer skoraði heili 11 mál fyri Stoholm

2 tímar síðan
Fótbóltur

Suðuramerika stuðlar Infantino undan FIFA-valinum

2 tímar síðan
Hondbóltur

Liðið hjá landsliðsliðskiparanum er næstfremst í Rumenia

3 tímar síðan
Tíðindi

Trump hóttir við stórum skatti á dátumiðstøðir uttanlands

4 tímar síðan
Hondbóltur

Vánaliga gongdin hjá Karlskrona heldur fram

4 tímar síðan
Hondbóltur

Hannover-Burgdorf misti sigurin móti dystarenda

4 tímar síðan
Fótbóltur

Kevin Knappen nýggjur høvuðsvenjari hjá NSÍ

5 tímar síðan
Fótbóltur

Geza var eisini besti leikarin hjá Grimsby í oktober

5 tímar síðan
Tíðindi

Russland stóð aftanfyri morðætlan í Danmark

6 tímar síðan
Tíðindi

Kappingarráðið steðg­ar keypi­num hjá Borg av Sanda­vágs Timburhandli

6 tímar síðan