Eldurin á Skála Skipasmiðju byrjaði í einum turkirúmi. Tað sigur vaktleiðarin hjá løgregluni.
Í turkirúminum vóru ein elradiatorur og ein hitablásari. Vaktleiðarin hevði enn ikki fingið teknisku frágreiðingina, tá vit tosaðu við hann, og orsøkin til eldin er framvegis ógreið, men hann hevði fingið kunning frá teimum, sum hava kannað eldin og sum arbeiða við málinum.
Fólk vóru til arbeiðis, tá eldurin kyknaði. Sambært vaktleiðaranum hevur løgreglan ongan illgruna um eldáseting ella um, at álvarslig brot eru framd á trygdarreglurnar.