Lionel Messi kann nú eisini kalla seg eigara av einum felagi í næstbestu sponsku fótbóltsdeildini.

CD Eldense boðar frá, at argentinska heimsstjørnan hevur yvirtikið felagið.

– CD Eldense, sum varð stovnað í 1921, byrjar nú ein nýggjan kapittul við ætlanini um at styrkja sína støðu og vaksa í yrkisfótbólti, sigur felagið.

CD Eldense liggur í løtuni nummar 19 í La Liga 2.

Hetta er ikki fyrstu ferð, at Messi hevur keypt seg inn í spanskan fótbólt.

Í apríl keypti hann UE Cornellà, sum spælir á fimtahægsta stigi í Spania.

Messi, sum er 39 ára gamal, spælir sjálvur við Inter Miami í USA.

/Ritzau/