Demokratarnir vinna meirilutan í Umboðsmannatinginum á amerikanska miðvalinum.

Tað er metingin hjá valgreiningarstovninum Decision Desk HQ, sum byggir niðurstøðuna á fyribils valtøl.

Sostatt sær valdið út til at skifta í øðrum av teimum báðum kømurunum í Kongressini. Frammanundan var væntað, at Demokratarnir fóru at vinna meirilutan í Umboðsmannatinginum.

Allir 435 sessirnir í tinginum vóru upp á val. Limirnir verða valdir í valdømum kring alt USA, ein úr hvørjum valdømi, fyri tvey ár í senn.

Stríðið um Senatið

Í Senatinum, sum er hitt kamarið í Kongressini, vóru 35 av teimum 100 sessunum upp á val.

Undan valinum høvdu Republikanararnir 53 sessir. Demokratarnir skulu vinna fýra sessir frá teimum fyri at taka meirilutan, treytað av at teir samstundis varðveita sínar egnu.

Ritzau