KÍ-kvinnurnar umboða aftur í ár Føroyar í Champions League undankappingini.
Í morgin fyrrapartin klokkan 10 spælir KÍ móti bosniska meistaraliðnum, SFK 2000 Sarajevo, ið er vertur fyri kappingini, ið telur fýra lið. Hini bæði liðini eru Benfica úr Portugal og FC Nordsjælland úr Danmark. So talan er um sterk mótstøðulið.
Sunnudagin spæla vinnandi liðini finalu um at halda fram í kappingini, og tapandi liðini spæla dyst um triðja plássið.
Sarajevo er risastórur favorittur hjá altjóða veddingarfyritøkum, ið lata odds upp á dystin.
Miðaloddsini upp á heimasigur til Sarajevo eru so lág sum 1,03.
Miðaloddsini upp á javnleik aftaná vanliga leiktíð eru 11,86.
Miðaloddsini upp á útisigur til KÍ eru so høg sum 33,14.
