Sambært uppskotinum verða rakstrarútreiðslurnar 87,4 milliónir krónur, meðan 31 milliónir verða settar av til íløgur.

Størsta einstaka íløgan er eitt nýtt reinsiverk, sum 17,5 milliónir krónur eru settar av til. Eisini eru 4,5 milliónir settar av til leingjan og byggibúning av Høganesvegnum og 3,75 milliónir til ídnaðarøkið við Rætt.

Skattaprosentið verður eftir ætlan óbroytt, 20,5 prosent.

Í gerðabókini verður eisini upplýst, at kassakredittur og lán fyri tilsamans 30,8 milliónir krónur ganga út í 2027 og skulu endurfíggjast.

Fyrsta viðgerð av fíggjarætlanini varð einmælt samtykt á býráðsfundinum 26. oktober.