Áki D. Samuelsen var á vøllinum í 68 minuttir, og Martin Agnarsson slapp ikki á vøllin, tá lið teirra, Mjällby leikti javnt 0-0 móti Kalmar FF á Strandvallen í Hällevik.

Við eina stiginum og við bert trimum dystum eftir at leika er Mjällby átta stig frammanfyri næstaftasta liðið, Örgryte og sjey stig frammanfyri triðaftasta liðið, Degerfors. So tað skal vita illa til um Mjällby skal koma í niðurflytingarvanda í trimum teimum seinastu dystunum.

Mjällby hevur 27 stig á fimtaftasta plássinum.

Hósdagin klokkan 17.45 hevur Mjällby dyst á heimavølli í deildarspælinum í Conference League. Tá kemur Borac Banja Luka úr Bosnia Hersogovina á vitjan.

Sunnudagin klokkan 15.30 kann Mjällby við sigri á Brommapojkarna í Stokkhólmi endaliga tryggja sær plássið í Allsvenskuni.