Í september setti norska alivinnan met í útflutning av norskum laksi - við útflutningsinntøkum á slakar níggju milliardir krónur í okkara peningi og methøgari nøgd á 165.393 tons.
Norges Sjømatråd vísir á stóra framleiðslu, góðan havhita og færri lívfrøðiligar avbjóðingar sum høvuðsorsøk til vøksturin av laksaútflutningi.
Men, við øðrum fiskasløgum hevur ikki gingið eins væl hjá Noregi sum við laksinum.
- Nøgdin av feskum toski, frystum toski og klippfiski minkaði í september. Men, við góðum prísum er útflutningsvirðið kortini økt, veit norska kringvarpið - NRK - at siga.
