Ein kvinna í 30-árunum varð handtikin og seinni skuldsett fyri at hava serverað løgregluni gamlan og útgingnan høsnarunga.

- Hendingin fór fram undir jarðarferðini hjá Haraldi, kongi í Noregi í september, veit norska kringvarpið - NRK - at siga í dag.

Eftir hendingina fekk kvinnan eisini fótin á hotellinum í Oslo, har hon var í starvi.

NRK veit at siga, at nú er málið og soleiðis eisini skuldsetingin móti kvinnuni kortini slept.

- Kanningararbeiðið hevur ikki staðfest, at nakar gjørdist sjúkur eftir at hava etið høsnarungan, sum borðreitt varð við.

Marion Berg Hauge, løgregluadvokatur í Oslo, sigur, at sambært samlaðu próvbyrðuni er tað ikki prógvað, at kvinnan serveraði útgingnan høsnarunga fyri at órógva arbeiðið hjá løgregluni.

Verjin hjá kvinnuni, Julie Conradi Larsen, sigur við Verdens Gang, at tey halda avgerðina hjá løgregluni vera rætta.

- Kvinnan skuldi ongantíð verið handtikin og skuldsett í heila tikið.

Verjuadvokturin heldur, at málið skuldi verið slept við teirri grundgeving, at einki revsivert er farið fram.

Tað sigur Julie Conradi Larsen við Verdens Gang, og norska kringvarpið endurgevur eisini søguna úr VG.