Danska fótbóltslandsliðið vann í dag ein týðandi sigur, tá Danmark vann 1-0 á Wales á útivølli í Nations League.

Rasmus Højlund skoraði avgerandi málið við brotssparki seint í seinna hálvleiki.

Við sigrinum hevur Danmark seks stig eftir fýra dystir í bólkinum. Wales hevur trý stig, og Danmark stendur eisini betur í innanhýsis dystunum.

Danmark hevur sostatt góðar møguleikar at enda í minsta lagi á triðja plássi. Annað plássið er nú eisini ein veruligur møguleiki.

Tvey tey fremstu liðini fara víðari til endaspælið í Nations League á heysti 2027. Danmark er harumframt nær við at tryggja sær pláss í ovasta styrkisbólki í lutakastinum til EM-undankappingina.

Wales stóð seg væl í dystinum, men Danmark var sum heild betra liðið.

/Ritzau