info
Ongi úrslit

Norsk fiskamóttøka á húsagang eftir løgregluátak

Húsagangurin hevur beinleiðis samband við stóra løgregluátakið móti fleiri fiskamóttøkum í Noregi hin 27. oktober í ár, har 20 feløg vórðu skuldsett

Vilmund Jacobsen
22. november 2026 kl. 21:40

Norska fiskamóttøkan Havøysund Fisk hevur lýst seg á húsagang. Hetta hendir eftir eina umfatandi rannsókn hjá norsku fíggjarløgregluni, Økokrim, móti fleiri fiskamóttøkum í oktober.

Tað var hósdagin, at Havøysund Fisk boðaði bæði fiskimonnum í økinum og kommunuleiðsluni frá, at øll móttøka av fiski var steðgað, og nú er húsagangurin staðfestur.

Nevndarformaðurin í Havøysund Fisk, Gunnar Haagensen, váttar yvirfyri Fiskeribladet, at nevndin hevur biðið um trotabúarviðgerð.

Húsagangurin hevur beinleiðis samband við stóra løgregluátakið móti fleiri fiskamóttøkum í Noregi hin 27. oktober í ár, har 20 feløg vórðu skuldsett.

Sjey fólk vórðu kravd varðhaldsfongslað við bræva- og vitjanarforboði – teirra millum nevndarlimurin í Havøysund Fisk, Ted Robin Endresen.

Gunnar Haagensen er hin nevndarlimurin í felagnum, og hann greiðir soleiðis frá støðuni í einum sms-boðum til Fiskeribladet:

– Ein partapeningahækking kann ikki fremjast uttan undirskriftina hjá Ted Robin Endresen, og ei heldur kann ein áheitan um húsagang sendast inn. Vit hava tí, samsvarandi handilsskylduni, broytt nevndina til bert at fevna um nevndarformannin, og síðan hava vit biðið um trotabúarviðger, skrivar Gunnar Haagensen.

Kanningin hjá Økokrim snýr seg um illgruna um tilvitaða skeiva fráboðan og skeiva skráseting av hvítfiski, tá landað verður. Løgreglan hevur nevniliga illgruna um, at fleiri aktørar hava samstarvað um at føra skeivar upplýsingar á avrokningarseðlarnar.

Økokrim grundgevur kravið um varðhaldsfongsling við, at vandi annars kundi verið fyri, at prógv kunnu verða burturbeind.

Tað eru fyritøkurnar, Jangaard Export AS úr Ålesund og Myre Eiendom AS, sum eiga Havøysund Fisk. Gunnar Haagensen eigur Jangaard Export, og Ted Robin Endresen eigur Myre Eiendom.

Hetta skriva norsku miðlarnir, Kystmagasinet og Fiskeribladet.

Mest lisið hesa vikuna

Landsstýrið black­list­ar 16 bygdi­r og bý­ir í Føroyum

18. november kl. 10:11

Svøríki: Byrjaði at eta seg sjálvan

18. november kl. 14:27

Eldur í á skipasmiðjuni á Skála

18. november kl. 18:14

Roykur rekur móti bygdini á Skála

18. november kl. 19:26

Andstøðan rýmdi av bý­ráðs­fundi í Havn

20. november kl. 00:20

Tvey vaksin og eitt barn funnin deyð í Danmark

19. november kl. 04:10

Fleiri tíðindi

Hondbóltur

THW Kiel og Füchse Berlin vunnu

9 minuttir síðan
Tíðindi

Danmark vil senda russ­ar til út­ferðar­mið­støð í Ruanda

29 minuttir síðan
Fótbóltur

VIDEO: Samuel tryggjaði Ried sigurin í yvirtíðini

44 minuttir síðan
Tíðindi
Haldaragrein

Advokaturin í barnagarðinum

2 tímar síðan
Tíðindi

Demokratarnir fáa størsta meirilutan í 34 ár

2 tímar síðan
Myndasøvn

Myndir: Jólasølan hjá Føroya Heimavirkisfelag í dansifrøi

3 tímar síðan
Tíðindi

Burn: Kyndil og Team Klaksvík vunnu greiðar sigrar

3 tímar síðan
Hondbóltur

Myndir: Kyndil vann 37-29 móti StíF

3 tímar síðan
Hondbóltur

H71 framdi stórt bragd - sendi Ostrovia úr European Cup

4 tímar síðan
Tíðindi

Vänsterpartiet vrak­ar nýtt út­spæl og krev­ur ráð­harra­sessir

4 tímar síðan
Tíðindi

Les Sosialin frá 1927 til í dag

6 tímar síðan
Hondbóltur

Myndir: Neistin vann 35-33 á KÍF

6 tímar síðan