Samuel Chukwudi gjørdist stóra hetjan hjá SV Ried í bestu eysturríksku fótbóltsdeildini í dag.
Tá klokkan vísti 94 minuttir stútaði Samuel bóltin í netið til støðuna 2-1 til SV Ried, ið vitjaði Wolfsberger AC í dag.
Seks minuttir inn í seinna hálvleiki legði Wolfsberger seg á odda 1-0. 15 minuttir seinni javnaði Isaac Thelin fyri Ried. Leingi sá út til, at tað fór at enda 1-1, men í yvirtíðini gjørdist Samuel sigursmálskjúttin hjá Ried.
Hjá Sofascore er Samuel besti leikarin hjá SV Ried. Fyri leikliga avrikið fær hann karakterin: 8,0 (av 10 møguligum). Samuel fær eisini besta karakterin hjá Flashscore. Har fær hann karakterin: 8,1.
SV Ried er nummar seks í deildini við 19 stigum fyri 13 dystir.