Í kvøld klokkan 18.30 tekur B36 móti NSÍ á ovara vølli í Gundadali í Havn. Talan er um dyst í 23. umfarinum í Meistaradeildini hjá monnum.
R5 hjá Televarpinum vísir dystin, og FM1 sigur beinleiðis frá dystinum.
NSÍ er fremst í deildini við 45 stigum. B36 er nummar fýra við 35 stigum. Bæði liðini hava brúk fyri sigri. NSÍ fyri at halda seg frammanfyri KÍ, og B36 fyri at kunna leggja trýst á HB í kapprenningini um triðja plássið, ið gevur atgongd til evropeiskan fótbólt komandi summar.
Hóast B36 vann 2-0 á NSÍ á heimavølli 4. mai, og hóast NSÍ ikki hevur vunnið á B36 í einum kappingardysti á ovara vølli í Gundadali síðani 7. november í 2020, so hevur NSÍ eina rættiliga greiða favorittstøðu hjá altjóða veddingarfyritøkum, ið lata odds upp á dystin.
Oddsini upp á heimasigur til B36 liggja millum 3,45 og 3,90.
Oddsini upp á javnleik liggja millum 3,50 og 4,00.
Oddsini upp á útisigur til NSÍ liggja millum 1,69 og 1,84.
