Við árslok var eginognin negativ við 23 mió krónum, og leiðslan staðfestir, at gjaldførið hjá felagnum er tepurt.

Ein stórur partur av hallinum stavar frá niðurskrivingum. Sambært leiðsluni stava 19 milliónir krónur frá niðurskriving av millumrokningum við dótturfeløg og materiellari støðisogn. Í hesum er eisini stór niðurskriving av kapitalinum, sum Ocean Rainforest hevur latið meksikanska felagnum Alamarsa.

Gongdin hjá Alamarsa hevur verið verri enn væntað. Søla og bruttovinningur vóru lægri enn ætlað í 2025, og felagið hevði hall. Ocean Rainforest hevur tí verið við til at fíggja raksturin hjá Alamarsa.

Ocean Rainforest væntar framvegis hall av rakstrinum í 2026, men miðar eftir rakstraryvirskoti í 2027.