Sunnudagin spældu landsliðsliðskiparin, Ásla Johannesen og liðfelagarnir í Piteå dyst á útivølli í bestu svensku fótbóltsdeildini móti Kristianstad.

Tá fyrri hálvleikur var hálvrunnin høvdu Matilda Ekblom og Alexandra Hellekant syrgt fyri, at Piteå var á odda 2-0.

Men í seinna hálvleiki skoraði heimaliðið tvær ferðir uttan, at Piteå svaraði aftur. Seinni málið kom seint í dystinum.

Piteå er nummar níggju í deildini við 23 stigum.

Komandi sunnudag klokkan 12 hevur Piteå dyst á útivølli móti Rosengård.