Áki D. Samuelsen og liðfelagarnir í Mjällby vóru fyri greiðum tapi á heimavølli í dysti í bestu svensku fótbóltsdeildini fyrr í dag.

Á Strandvallen leikvøllinum í Hällevik tapti Mjällby 0-3 fyri GAIS. Tá Áki kom á vøllin í 55. minutti var støðan 2-0.

Mjällby hevði fleiri royndir innanfyri málrammurnar, men liðið úr Göteborg var effektivari.

Mjällby er fimtaftast í deildini við 22 stigum. Teir hava sjey stig niður til næstaftasta plássið, ið merkir beinleiðis niðurflyting til næstbestu deildina.

Í teimum seinastu seks dystunum hevur Mjällby tveir javnleikir og fýra tap.

Mjällby fær ein tiltrongdan landsliðssteðg nú. Liðið hevur átta dystir eftir í Allsvenskuni til at bjarga plássinum í deildini.