Finn Ludvig vann Føroyum í dag eitt silvurheiðursmerki í olympiskum trap. 

Fyrr á degnum vunnu brøðurnir, Tórur og Jóhann Fløtt ávíkavist silvur og bronsu í olympiskum skeet.

Vit hava fingið nakrar myndir sendandi frá Heðin Mortensen, borgarstjóra sum var so beinasamur at taka hesar myndirnar fyri okkum, nú vit í Miðlahúsinum hava bert eitt fólk á oyggjaleikunum. Vit takka Heðini fyri beinasemi. 

Á myndunum síggjast heiðursløturnar tá okkara fingu silvur- og bronsuheiðursmerki handaði.