Manchester United kunngjørdi fríggjadagin, at 54 ára gamli argentinin Mauricio Pochettino verður nýggjur venjari hjá felagnum. Hann tekur við 18. november, upplýsir felagið sambært Ritzau.
Michael Carrick varð koyrdur hósdagin eftir eina vánaliga byrjan upp á kappingarárið. Manchester United hevur bert vunnið ein dyst í fyrstu tíggju umførunum og liggur undir niðurflytingarstrikuni í Premier League.
Pochettino hevur verið landsliðsvenjari hjá USA síðani september 2024. Hann stendur framvegis á odda fyri liðnum í báðum Nations League-dystunum móti Haiti, áðrenn hann fer til Manchester. Fyrsta uppgávan hjá honum í nýggja starvinum verður dysturin móti arvafíggindanum Liverpool.
Førdi Tottenham í Champions League-finaluna
Pochettino hevur áður vant Southampton, Tottenham og Chelsea í Premier League. Hann tók við í Tottenham í 2014 og førdi felagið í Champions League-finaluna í 2019 við Harry Kane og Christian Eriksen sum lykilspælarum.
Eftir tíðina í Tottenham vandi hann Paris Saint-Germain og Chelsea, áðrenn hann tók við amerikanska landsliðnum.
Ritzau
