Eitt russiskt hernaðarflogfar datt í dag niður í Amur-økinum í eystara parti av Russlandi. Seks av manningini lótu lív, og eitt varð fólk fekk skaða.

Tað upplýsir russiska verjumálaráðið sambært ríkistíðindastovuni Tass.

Vanlukkan hendi undir venjingarflúgving, og sambært ráðnum datt flogfarið niður í einum óbygdum øki.

Enn eru ikki fleiri upplýsingar um umstøðurnar kring vanlukkuna. Russiska flogvápnið hevur sent serfrøðingar á staðið at kanna hendingina, skrivar Tass.

Flogfarið var eitt bumbuflogfar av slagnum Tupolev Tu-95, sum varð ment í Sovjetsamveldinum undir kalda krígnum.

Sambært russiska verjumálaráðnum hevði flogfarið onga lóður við, tá tað datt niður.

/Ritzau/AFP