Tað er ikki á hvørjum degi, at ein heil oyggj verður sett til sølu. Nú er Hildasay, sum liggur út fyri Scalloway í Hetlandi, komin á marknaðin.
Sambært Shetland News verður tikið ímóti boðum oman fyri 350.000 bretsk pund. Oyggin er umleið 110 hektarar stór og hevur egna bryggju, ein lítlan bygning og tvey vøtn við feskvatni.
Eingin hevur búð fast á Hildasay síðan 19. øld. Fyrr varð fiskur hagreiddur á oynni, og grót varð tikið úr grótbroti har. Ein lítil jarnbreyt varð brúkt til at flyta grótið.
Í nýggjari tíð gjørdist oyggin kend, tá ævintýramaðurin Chris Lewis búði har avbyrgdur undir koronufarsóttini. Hann skrivaði seinni eina bók um tíðina á Hildasay.
Hildasay er ikki einasta hetlendska oyggin, sum hevur skift eigara seinastu árini. Sambært Shetland News eru oyggjarnar Vaila og Linga eisini seldar.
Kelda: Shetland News
Myndatekstur: Hildasay liggur nær við Scalloway í Hetlandi og er nú sett til sølu fyri boð oman fyri 350.000 pund. Mynd: Vaila Irvine/Shetland News. Myndin er í upprunagreinini; nýtslurættur til in.fo má avtalast við eigaran. www.shetnews.co.uk
