Sambært samdøgurfrágreiðingini hjá grønlendsku løgregluni hava tey ikki verið arbeiðsleys seinasta samdøgrið.
- Okkum hevur ikki vanta uppgávur, sigur vaktleiðarin, Carl Sværd, við Sermitsiaq.
Hann vísir á, at uppgávu við tilknýti til rúsdrekka hava givið løgregluni arbeiði kring um alt landið, sum hann tekur til.
- Vit hava havt eina tragiska hending í Qaqortoq, har ein deyður persónur í 30-árunum er funnin á sjónum. Málið verður nú kannað, sigur Carl Sværd.
Tey bæði ungu - genta og ein drongur - sum løgreglan hevur eftirlýst í Nuuk við bæði nøvnum og myndum eru framvegis saknað.
Grønlands Politi heitir á fólk um at hygga í eitt nú úthús, bátar og savningarstøð og annars at siga frá, um tey vita ella síggja nakað til tey bæði saknaðu.
