Gylta Djurhuus á Neystabø og liðfelagarnir í Skuru IK spældu fyrr í dag fyrsta dystin í bestu svensku hondbóltsdeildini hetta kappingarárið.
Á heimavølli tapti Skuru 24-29 fyri Skövde. Í fyrra hálvleiki gekk væl hjá Skuru, ið var á odda 13-12 í steðginum. Í seinna hálvleiki gekk ikki eftir vild.
Kappingarneytin hjá Gyltu, Anne Sofia Lauridsen vardi málið størra partin av dystinum, men Gylta megnaði tríggjar bjargingar í seks málroyndum, tá hon fekk møguleikan. Kappingarneytin bjargaði 10 av 32 málroyndum.
Komandi fríggjakvøld klokkan 18 spælir Skuru dyst á útivølli móti Önnered.
