Kvinnurnar hjá H71 syrgdu fyri, at talan bleiv um eitt perfekt føroyskt kvøld í European Cup.

Fyrr í kvøld vunnu neistakvinnur í Kosovo 28-23 (14-11) á KHF Samdrexha. Nú hava hoyvíkskvinnur eisini syrgt fyri sigri í fyrra European Cup dystinum.

Í Hoyvíkshøllini vann H71 í einum málríkum dysti 41-38 á HB Dudelange úr Luksemborg. Í steðginum var luksemborgska liðið á odda 21-15, og ikki fyrrenn 49 minuttir vóru leiktir legði H71 seg á odda 33-32. Seinastu løtuna megnaði H71 at økja munin við tveimum málum.

Sostatt vann H71 seinna hálvleik 26-17.

Maria H. Weyhe (myndin) var stórskjútti við 13 málum. Yngra systurin Anna-Elisabeth skoraði níggju mál.

Seinni dysturin verður leiktur í Hoyvíkshøllini í annaðkvøld klokkan 19. Við tvímálstapi ella betri enn tað vinnur H71 seg víðari í kappingini.

H71: Maria H. Weyhe 13/17, Anna-Elisabeth H. Weyhe 9/14, Guðrið B. á Borg 7/8, Karina D. Heinesen 4/7, Lukka Arge 4/8, Tanja A. Andresen 2/3, Rakul Christiansen 2/4.

Málverjar: Anita Dahl 8/29, Alda av Skarði 3/20.