Tveir føroyingar vóru í leiki við liðum sínum í týsku Bundesliguni í dag.

Hákun West av Teigum og liðfelagarnir í Füchse Berlin vunnu tepurt á útivølli 32-31 á Bietigheim-Metterzimmern. Í steðginum vóru berlinarnir á odda 20-17.

Hákun skoraði tvey mál upp á fimm málroyndir. Sambært hagtølunum var hann á vøllinum í 45 minuttir.

Füchse Berlin er nummar fýra í deildini við 10 stigum fyri seks dystir.

Vilhelm Poulsen og liðfelagarnir í Hannover-Burgdorf taptu greitt á útivølli 22-28 fyri Melsungen, ið var á odda 13-10 í steðginum.

Vilhelm skoraði tvey mál upp á seks málroyndir, og hann legði upp til eitt mál. Sambært hagtølunum var hann á vøllinum í 41 minuttir.

Hannover-Burgdorf er nummar seks í deildini við níggju stigum.

THW Kiel vann uttan Elias Ellefsen á Skipagøtu á heimavølli 29-26 (13-15) á Gummersbach.

Kiel er næstfremst við 13 stigum.