info
Ongi úrslit

Bara fýra atkvøður fyri at avmarka stutttíðarleigu

Seks tingfólk løgdu uppskotið fram, men bara fýra atkvøddu fyri, tá Løgtingið við aðru viðgerð feldi uppskotið um at geva kommununum heimild at avmarka stutttíðarleigu av bústøðum.

Eirikur Lindenskov
17. november 2026 kl. 16:16

Løgtingið feldi í gjár uppskotið um stutttíðarleigu av bústøðum. Fýra atkvøddu fyri og 19 ímóti. Ongin atkvøddi blankt.

Tey fýra, sum atkvøddu fyri, vóru Bjørg Brynhildardóttir Egholm, Høgni Hoydal og Sirið Stenberg úr Tjóðveldi og Bjarni Kárason Petersen úr Framsókn. Av teimum seks, sum standa sum uppskotssetarar í atkvøðuyvirlitinum, atkvøddu Bjørg Brynhildardóttir Egholm og Sirið Stenberg fyri. Hini fýra eru ikki skrásett við atkvøðugreiðsluna.

Kommunurnar skuldu kunna seta dagamark

Uppskotið hevði givið kommununum heimild at áseta, hvussu nógvar dagar um árið ein sjálvstøðugur bústaður kundi leigast út í stutta tíð, tá útleigarin ikki hevði fastan bústað har. Kommunurnar kundu eisini sett markið fyri ávísar bygdir ella býlingar. Bústaðurin, har útleigarin sjálvur býr, var undantikin.

Endamálið var at fáa fleiri bústaðir út á langtíðarleigumarknaðin í teimum økjum, har tørvurin er størstur. Uppskotssetararnir vístu á, at stutttíðarleiga kann trýsta bústaðarmarknaðin á størri plássum, meðan hon í summum bygdum kann geva húsum, sum annars standa tóm, nýggja nýtslu.

Ivi um dagamark gevur fleiri leigubústaðir

Meirilutin í Trivnaðarnevndini tók undir við endamálinum um at gera tað lættari at finna fastan bústað, men ivaðist í, um eitt dagamark fór at fáa fleiri eigarar at leiga út í longri tíð. Ein eigari kann til dømis savna útleiguna í bestu ferðavinnuvikunum, brúka bústaðin sjálvur ella lata hann standa tóman, vísti meirilutin á.

Sambært tølum frá Visit Faroe Islands, sum nevndin fekk, vóru umleið 1.200 stutttíðarleigueindir í Føroyum í 2025. Tær stóðu fyri umleið 359.000 fólkanáttum og eini sølu á 159,3 milliónir krónur. Meirilutin helt kortini, at betri hagtøl skulu til fyri at meta um, hvussu nógv stutttíðarleigan ávirkar bústaðarmarknaðin, og vildi viðgera spurningin sum part av einum samlaðum bústaðarpolitikki.

Soeliðis atkvøddu tingfólk í málinum:

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Herurin heitir á íbúgvar í Lettlandi um at søkja sær skjól

10. november kl. 22:37

Nøkur orð um skyldmannin Allan Enghamar

Í gjár kl. 17:35

Sosialurin hevur nú sítt egna »Tíðarrit«

Í gjár kl. 17:38

Nýggj nevnd í Læknafelag Føroya

11. november kl. 13:05

Fyrrverandi NSÍ venjari er deyður

14. november kl. 17:37

Fleiri tíðindi

Tíðindi

Hernaðarligt flutningsflogfar dottið niður í Russlandi

32 minuttir síðan
Tíðindi

Meta at 90 milli­ard­ir verða hvít­vask­aðar ár­liga í Danmark

1 tími síðan
Tíðindi

26 grøn­lend­ing­ar krevja 3,25 milli­ónir frá danska statinum

2 tímar síðan
Tíðindi

Borgarafundur við Gjógv í morgin

2 tímar síðan
Tíðindi

Ákæruvaldið kært úrskurðin í Bakkafrostmálinum

2 tímar síðan
Tíðindi

Ráðstevna um rottutýning

2 tímar síðan
Tíðindi

Umboðsmaður: Vitlíki kann gera klagur tyngri at viðgera

2 tímar síðan
Tíðindi

Nú er økið mest sum liðugt

3 tímar síðan
Tíðindi

Trump er komin á Asean-toppfund í Manila

4 tímar síðan
Tíðindi

Myndir: Bókadagar í Norðurlandahúsinum

4 tímar síðan
Tíðindi

Stórar aldur stongdu bryggjur í Kalifornia

5 tímar síðan
Tíðindi

Nýggj semja: Lønirnar hækka góð 10 prosent næstu trý árini

5 tímar síðan