Sunnudagin hin 1. november er minningardagur teirra sjólátnu, eisini nevndur allahalgannadagur.
Siðvenjan er staðfest við eini løgtingssamtykt frá 1943, sum ásetir, at flaggað verður fyri sjólátnum føroyingum, og verður dagurin hildin kring alt landið.
Í Tvøroyrar kommunu verður dagurin hildin við minningargudstænastu í Tvøroyrar kirkju klokkan 11 við Jákupi Erlingsson Petersen, presti.
- Við minningarløtuna nevna vit tey, sum eru deyð í kirkjusóknini síðan seinasta allahalgannadag.
Í Tvøroyrar kommunu vísa tey á, at eftir gudstænastuna í kirkjuni, verður farið út til minnisvarðan á Torvheyggi, har kransar verða lagdir, prestur sigur nøkur orð, og sungið verður.
- Eftir løtuna á Torvheyggi eru øll vælkomin í Missiónshúsið á Tvørabakka, har ein drekkamunnur er at fáa, verður lagt aftrat.
