Spanski forsætisráðharrin, Pedro Sanchés, sigur, at hann hevur gjørt av at upploysa tjóðartingið og skriva út val í ótíð 23. juli.
Hann hevur tikið avgerðina, eftir at sosialistaflokkur hansara tapti stórt á lokal- og regiónsvali í gjár.
Í eini røðu í sjónvarpi sigur Sanchez, at hann hevur kunnu Felipe kong um avgerð sína um at upploysa tjóðartingið og at skriva út val.
– Eg tók avgerðina, tá eg sá úrslitini av valinum í gjár, sigur hann.
Bæði Sosialistaflokkurin (PSOE) og hin stjórnarflokkurin, vinstrasinnaði Podemos, gingu aftur.
Vinnarin var konservativi PP og høgravíðgongdi Vox.
– Sjálvt um valið í gjár var lokalt og regionalt, sendir tað ein boðskap, sum fer longri enn tað. Tað er tí, at eg sum forsætisráðharri og aðalskrivari í PSOE átaki mær persónliga ábyrgdina av úrslitinum, sigur Sanchez.
Tjóðartingsvalið skuldi annars verið 10 desember.
Við nógvu kommunuvalinin hevur PP fingið flestu atkvøðurnar.
Flokkurin hevur somuleiðis megnað at rikið sosialistarnar úr fleiri regiónum, serliga í eystaru regiónini Valnecia.
Pedro Sánchez hevur staðið fyri fleiri avbjóðingum, síðani hann gjørdist forsætisráðarri í 2018.
Tað snýr sg millum annað um hækkandi inflatiónina og minkandi keypioku, eins og at nógvir veljrar eru troyttir av vinstrastjórn hansara.
Tað hava eisini verið fleiri slítandi uppgerðir í stjórnini millum Sosialistaflokkin og Podemos.
Spania hevur tó samanborið við Evropa annars ein lutvíst góðan búskap.
Sanchez noyðist at staðfesta, at fleistu veljarakanningar siga, at hann missir meirilutan, sum hann stjórnar við í dag.
Fyri PP tykist gøtan greið til stjórnarskifti.
– Vit hava vunnið greiðan sigur, og Spania hevur tikið fyrsta fetið ímóti einum nýggjum politiskum tíðarskeiðið, segði leiðarin í PP, Alberto Nunez Feijoo, í gjárkvølið.
Men tað er ein høvuðpína fyri flokkin, at tað í nógvum kommunum og regiónum fer at vera neyðugt at samstarva við Vox, sum sambært atfinnarum er ein rasistiskur flokkur við fastistiskum eyðkennum.
/ritzau/AFP